Библиотека – территория памяти
Көглтин Даван күндтә нернь мана университетла кезән-кезәнәс залһлдата
Эндр хальмг шүлгләнә өдр. Моһа сарин 13 — хальмг улсин үндсни кетркә думбр кергәрн делкәд туурсн, нерән мөнкрүлсн зокъялчин Көглтин Даван һарсн өдрнь.
Хальмг урн үгин литературин делгрлтд ик тәвцән орулсн төләднь 2012-ч жиләс авн мана таӊгчд эн өдр — хальмг шүлгләнә өдр болх шиидвр батлгдсмн.
Дәкәд болхла Көглтин Даван күндтә нернь мана университетла кезән-кезәнәс залһлдата, тер учрар чигн нернь сергәх санан орв.
«…җил өдр ирвәс
Җиврән улм батлҗ,
Күнкл ухани күлгәр
Күмни медрл уудулҗ,
Хәәртә амулӊ нартд
Хальмгиннь нер дуудулҗ
Иткҗ маниг угтсн
Иргчин холур нистхә!…», — гиҗ миӊһн йсн зун далдгч җилд мана университет секлһнд шүлгән нерәдҗ йөрәсмн. Эн җилд университетин тәвн тавн өөн темдглгдҗәнә, тегәд эн шүлг давулҗах керг- үүлд олзлгдад йовна.
Давид Никитич университетин түрүн җилмүдт хальмг литературин кафедрин түрүн һардач болҗ йовсмн, тегәдчн бийиннь дегтрин цуглавр мана Ик сурһулин номин саӊгд герәслсмн болх гиҗ саннавидн. Аһу ик хәәрлж үлдәсн зөөрнь әрүнәр хадһлгдҗана. Библиотекин көдлмшчнр шулгчин цуглаврин туск оютнрт күргҗ медүлхәр олн арһ хәәцхәнәвидн. Эн өдрлә ирлцүлҗ кесг керг-үүл давулнавидн. Үлгүрләд келхт, Көглтин Давад уурмуднь, бас бичәчнр болн шүлгчнр, белглсн дегтрмүдәр гәәхүл белдсн мана саӊгин электронн халхт бәәнә. Эн дегтрмүдт үүрмүднь бүлән үгән бичҗ, яһҗ Көглтин Даваг күндлҗ йовсан медүлҗәнә. Дәкәд болхла С. Михалковин, А. Дементьевин, А. Вознесенскийин, И. Андронниковин нань чигн нертә бичәчнрин һаран тәвснь үзҗ болхмн. Библиотекин көдлмшчнрт Давид Никитич нерәдсн йөрәлин үгинь бас гәәхүлдән орулувидн. Эн гәәхүл шүлгчин үлдл зөөр урдк кевәрн күчән геелго оютнрт церглҗәхинь медүлҗәнә.
С. Богаева, зав. ООМР НБ